Gin reklamo sa Kalibo MPS ru sangka broadcaster nga nag-utang sa kakilaeang babaye nga taga-Brgy. New Buswang, Kalibo, Aklan.
Nakilaea ru nagreklamo nga si Remia Salvador, 45 anyos it nasambit nga lugar.
Samtang, ru gin reklamo it broadcaster hay si Katodo Carlos Asturias it Radyo Todo Aklan.
Suno kay Salvador, nag hueam it kwarta si Asturias para ibayad sa hospital bill dahil na confine sigun ru unga sa hospital.
Apang ku ulihi hay nasayuran it tag reklamo nga gin bueang ru ginpahueam nga kwarta.
Naga balor it P15,000 ru ginhueam nga kwarta pero gin taw-an si Astorias it P16,000 halin sa gin prendang alahas nga naga balor it P40,000.
Maeoha-eoha nga nag-adto sa Kalibo MPS si Salvador dahil sa nabaton na nga notice it anang due date sa alahas ag uwa eon naga pakita ag indi man macontact si Astorias//MARIVIC Y. ILIN.