Emosyunal nga nagpadueong sa Kalibo MPS ro mag asawa nga tag-ana it sangka Vulcanizing shop sa may Brgy. New Buswang, Kalibo, Aklan.
Raya hay matapos segun sanda nga sudlon ag takawan it owa pa nakilaeang suspek.
Sa report sa Kalibo MPS ni Mrs. Ofelia Rote, nabugtaw imaw it kaaganhun ag napan-uhan nana nga may eaeaki sa sueod it andang vulcanizing shop.
Nagsinggit segun ro biktima ag insigida man nga nakatakas ro suspek.
Natakaw sa mag asawang biktima ro kapin sa P3,000 nga cash nga tinipon ni Mrs. Ofelia bilang kasambahay, mga ID ag singsing ag kulintas nga bisan bukon segun it gold hay sentimental value para kanda. / ANN DESLENE SALAZAR