LEGAZPI CITY – Igwa nin pigbabantayang barangay ngunyan an MDRRMO Malilipot katakod kan maraot na panahon o mga pag-uuran dara kan shear line.
Sa intrevista kan Brigada News FM Legazpi kay MDRRMO head Engr. Alvin Magdaong, sinabi niya na ini an Brgy. San Roque kun sain igwa nin parte kan tulay digdi an nag-collapse asin peligroso.
Segun kay Magdaong, bantayan an lugar na ini orog na kun maraot an panahon asin haloy naman sindang nag-abiso na dai duman magsagibo nin mga human activities.
Pigsyerto man niya na nakaalerto an barangay magin an saindang opisina asin igwa naman nin protocols na inilatag para digdi orog na kun may mga pag-uran.
Tinawan-doon ni Magdaong, nasa discretion man kan barangay an pagsaway asin liwat na pag-informar sa mga tawo duman.