Gibutyag sa Police Regional Office(PRO)-7 nga nikunhod ang drug supply ug demand sa Central Visayas.
Kini gumikan sa padayon nga intelligence-driven operations sa otoridad diin gikan sa Abril 30 hangtud sa May 6, 2023 gilusad ang police operations nga miresulta sa pagkasikop sa 89 ka drug personalities ug pagkompiskar sa 1,508.467 ka gramo nga shabu nga dunay Standard Drug Price nga P10.2 million.
Sa illegal gambling operations usab moabot sa 100 ka tawo ang nadakpan ug niabot sa P12,000 bet money ang nasakmit samtang 16 ka unlicensed firearms ang na-recover ug siyam ang nadakpan.
Gidayeg usab ni Police Brigadier General Anthony Aberin, Regional Director sa Police Regional Office ang wala’y hunong nga trabaho sa iyang mga sakop ilabina sa mas agresibong anti-criminality operations.//