Naaresto it Lezo PNP, Kalibo PNP ag 1st Mobile Force Company ro suspek sa ginasugid nga serye it panakawan sa banwa it Lezo, Aklan.
Suno kay OIC Chief of Police PCapt. Bryan Alamo it Lezo MPS, ginkilaea ro suspek nga si Jancee Serge Selorio, 21yo ag residente it Brgy. Biga-a, Lezo.
Ro suspek hay naaresto pinaagi it hot pursuit operation sa C. Laserna St., Kalibo kaina it hapon ag narekober sa anang posisyon ro sangka laptop, sigarilyo ag mga aeak.
Matandaan nga sangka baraka sa Poblacion Lezo ro unang tinakawan it mga baligya nga nagabalor it P65,000 ag sambilog pang Baraka nga tinakawan man it laptop, sigarilyo ag mga aeak.
Sa imbestigasyun it mga otoridad, may imbolbado pang ibang mga suspek sa panakawan pero raya hay mga menor de edad nga padayun pang ginatumod agud mai-turn over sa DSWD.
Samtang, magapangatubang man sa kasong robbery ro nasambit nga suspek. / ANN DESLENE SALAZAR