Magdudumara an Tacloban City Veterinary Office hin Rabies Awareness Month Culmination Activity ha maabot nga Marso 30, 2023, alas 8 ngada ha alas 10 han aga ha Tacloban City Engineer’s Office Gymnasium.
Maghahatag an buhatan hin libre nga serbisyo sugad han anti-rabies vaccination, deworming, ngan vitamins para ha mga ayam ngan misay.
Magkakamay-ada gihapon hin libre nga neuter o pisit ha 35 male dogs ngan 15 male cats.
Agud naman maka-avail han nasabi nga service in mag-message la ha facebook page han Tacloban City Veterinary Office ngan ighatag an mga gin-aaro o ginkikinahanglan nga impormasyon
Nagpahinumdom naman an buhatan ha mga pet owners nga neuter/pisit in “first come, first served basis” ngan deri dapat pagtagan hin pagkaon ngan tubig an tagsa alaga walo ka-oras san o an scheduled surgery.