Gin komperma ni Vice Mayor Gene Fuentes ru may kapin sa 38 aktibong kaso’t COVID-19 sa Municipalidad it Tangalan as of June 20.
Sa pahayag ni Fuentes sa BRIGADA News FM Kalibo, naga-abot sa 6 ru bag-ong naka recover; samtang naga-abot sa 8 sa Poblacion Tangalan ru nag positibo; 6- Brgy. Panayakan; 3-Tondog; 1 Baybay; 3- Dapdap, Tangalan.
Nag pasalig man ru Vice Mayor sa mga taga-Tangalan nga indi magkahawag bangud nga may paga sayluhan ru mga positive carrier sa mga hotel ingkasong sumaka pa gid ru numero it positive cases it deadly virus.
Sa makaron, maeapit lang gid mapuno ru quarantine facility it nasambit nga municipalidad.//MARIVIC Y. ILIN