Nagtukod ro local government it Kalibo it task force para sa community-based rehabilitation para sa mga palaboy, nagapakalimos, batang kalye ag nagapamasura.
Mismong si Kalibo Mayor Juris Bautista Sucro, ro team leader it Task Force “Ligtas Kalye” ro nag isyu it Executive Order No. 068 ku November 28, 2022 bilang sabat sa pag abo it mga nagapakalimos sa kalye iya sa banwa it Kalibo.
Ro pagkalat it mga palaboy sa mga kalye sa Kalibo hay nagatuga it peligro sa mga residente, motorista ag pedestrian.
Base sa EO 68 it Municipal Ordinance No. 2022-025 ginabawae ro sin-uman nga tawo nga owa it pangita nga magwarang para magpakalimos sa mga pampublikong lugar.
Ro Task Force Ligtas Kalye ro magadakop it nagapakalimos sa mga kalye ag temporaryo nga igakustodiya ro mga raya it munisipyo it Kalibo, para mapunggan nga magwarang ag magpakalimos.
Igapaodaeum man ro mga raya sa post traumatic sessions ag community-based rehabilitation ag pagabuligan sanda it LGU nga makabalik sa andang mga lugar. / ANN DESLENE SALAZAR