Nagtingkagol ang usa ka lalaki nga top 4 Station Level Most Wanted Person human kini gidakop sa mga kapulisan kagahapon, Miyerkules, Marso 1, 2023, didto sa Brgy. Ipil niining dakbayan sa Ormoc.
Sa impormasyon nga nakuha sa Brigada News FM Ormoc, gipangulohan sa OCPS 6 kauban ang OCPO-CIU, OCPO-IDMU, ug OCMFC, bitbit ang Warrant of Arrest nga gipagawas ni Presiding Judge Hon. Mario O. Quinit, RTC, Branch 12, 8th Judicial Region, Ormoc City, gidakop ang akusado nga si Richard Geraldez y Dinoy nga nailhan usab sa alyas “Chard”, 32-anyos, minyo, ug residente sa Purok 5, Brgy. Sumangga niining dakbayan.
Matud pa, duha ka ihap sa Lascivious Conduct ilawm sa Sec. 5 (B) sa R.A. 7610 ang gi-atubang sa akusado diin ang korte mingrekomendar og piyansa sa kantidad nga Php 400,000 alang sa iyang temporaryong kagawasan.