Presente nga nagapangatubang sa dismissal sa serbisyo ro sambilog ka pulis nga naaresto sa ginhiwat nga buy-bust operation it mga otoridad ag posible pa nga ma- forfeit ro mga benepisyo kara.
Matandaan nga nadakpan si Police Staff Sergeant Igmedio Cristobal, 40-anyos, residente it Barangay Jereos, La Paz district, bangud sa pag-eapas sa Comprehensive Dangerous Drugs Act of 2002.
Si Cristobal hay nadakop it Regional Drug Enforcement Unit it PRO-6 ku Mayo 22 sa Barangay North Fundidor, Molo, Iloilo.
Narekober sa ana ro 17 sachet it ginapatihan nga shabu nga nagabalor sa P374,000.
Kasunod kara, ginpaandaman ni PNP officer-in-charge Lieutenant General Vicente Danao Jr. ro mga kapulisan nga may kaangtanan sa iligal nga droga nga magpundo eun bangud magapangatubang sanda sa mabug-at nga kasong administratibo./JIL B. LACSON.