Target ng Commission on Elections (Comelec) na makapagrehistro ng tatlong milyong bagong botante para sa darating na 2025 national at local elections (NLE).
Ayon kay Comelec Chairperson George Erwin Garcia, maglulunsad sila ng malawakang information dissemination upang turuan ang publiko sa proseso at mga kinakailangan para sa voter registration.
Kabilang sa mga naamyendahang guidelines para sa registration na kinabibilangan ng pagbabawal sa paggamit ng company-issued identification (ID) cards.
Samantala, palalawakin din ng Comelec ang pagpapatupad ng “Register Anywhere Project,” na nagpapahintulot sa mga Pilipinong botante na magparehistro sa mga booth sa ilang mga establisyimento tulad ng mga malls.
Magsisimula ang voter registration period para sa 2025 national at local elections (NLE) sa Pebrero 12 hanggang Setyembre 30, 2024.