KALIBO, AKLAN—May una eon nga 39 nga Balay Silangan reformation centers do Western Visayas para sa rehabilitation it mga drug surrenderers.
Raya hay sandig sa datos maghalin sa Philippine Drug Enforcement Agency (PDEA) Region 6 kun sa siin 23 kara hay makita sa Iloilo, siyam sa Aklan, tatlo sa Capiz, daywa sa Negros Occidental at tig-sambilog sa Guimaras ag Antique.
Sa probinsya it Iloilo raya hay nahamtang sa Passi City, Miag-ao, Dingle, Bingawan, Guimbal, Igbaras, Concepcion, Pavia, Tubungan, New Lucena, Barotac Viejo, Santa Barbara, Pototan, Leganes, Lambunao, Batad, San Dionisio, Zarraga, Mina, Dueñas, Leon, San Joaquin, ag Alimodian.
Do mga banwa man it Lezo, Madalag, Libacao, New Washington, Banga, Malay, Nabas, Malinao, ag Balete sa Aklan do may mga Balay Silangan samtang sa Capiz hay doTapaz, Jamindan, ag Dao.
Sa Negros Occidental’s hay makita man sa Hinobaan ag Pulupandan ag sa Guimaras hay sa Nueva Valencia ag sa Antique hay sa Hamtic.
Nasayuran nga do Balay Silangan hay nagatanyag it reformatory programs ag raya hay alternatibong intervention para sa mga drug personalities nga bukon eon it constant user ag bukon it eligible para sa medical treatment ag rehabilitation facilities dahil sanda hay mga pusher-surrenderers.
Dugang pa kara, raya man do nagaserbe bilang “temporary shelter” nga may una nga tinutuyo nga obrahon do mga drug surrenderers nga self-sufficient ag law-abiding nga miyembro it sosyodad. // SHERRY ANNE REUNIR-VIDAL