Ibinunyag ng National Irrigation Administration (NIA) na nanganganib na mawalan ng 1.46M metric tons ng aanihing palay sa bansa bunsod ng El Niño.
Sa pulong balitaan, sinabi ni NIA officer-in-charge Deputy Administrator for Engineering and Operations Sector Josephine Salazar na natukoy na ng ahensya ang vulnerable areas sa tagtuyot.
Dagdag pa ni Salazar, suma total nasa higit 276k hektarya ang mga lupaing apektado.
Aniya, nangununga ang MIMAROPA, sumunod ang Western Visayas; habang pumapangatlo naman ang Central Visayas sa top El Niño-vulnerable regions.
Kung maaalala, taong 2018 nasa 300K na magsasaka ang apektado ng El Niño at humigit-kumulang P8B halaga ang dulot nitong pinsala sa agrikultura.