Patay ang 10 ka pasyente homan nga mataptan sa COVID-19 sa Northern Mindanao.
Basi sa datos sa Department of Health Regional Office 10 nga gilangkuban ang fatalities sa 9 ka pasyente gikan sa Cagayan de Oro ug 1 ka pasyente sa Iligan City.
Ang maong ihap, lakip kini sa 240 ka bag-ong kaso nga natala sa rehiyon, diin 239 niini local cases, 1 ang returning Filipino.
Hinuon dunay 122 ka kompirmadong kaso ang hingpit nang nakarekober sa balatian. Sa kinatibuk-an, muabot sa 16,906, ang kompirmadong kaso, diin sa maong kaso 2,656 ang aktibong kaso, 13,698, ug 552 ang total COVID-19 related deaths.