NAGA CITY- 102% ang overall accomplishment ng Camarines Sur sa nagdaang National Vaccination Days Part 4 base sa tala ng Department of Health Bicol.
Pumangalawa ang lalawigan sa pinakamataas na naabot sa percentage target, 34, 303 ang nabakunahan mula Marso 10 hanggang nitong ika-20 ng Marso. 138% naman ang naabot ng Catanduanes o 8, 116.
Mataas na porsyento rin ang naabot ng Camarines Sur sa pagtuturok ng COVID-19 primary dose na may 124% at 156% sa 2nd dose. Napakababa naman sa booster shot na 18% lamang.
Ayon kay DOH-Bicol Vaccine Program Coordinator – Dr. Monrey Mancilla, isa ang vaccination rate sa pinagbabatayan ng Interagency Task Force sa Alert Level System. Sa kasalukuyan ang Naga City at Catanduanes lamang ang nasa pinakamababang quarantine classification o Alert Level 1. Pinapaigting ang bakunahan upang makabalik na sa normal.