GISAAD sa mga labaw sa opisina sa City hall nga ilang gamiton sa husto ang mga sakyanan nga ilang nadawat gumikan sa ilang hangyo pipila ka tuig na ang milabay.
Sumala sa labaw sa Office of Building Official o OBO nga si Engineer Aurea Pascual kinahanglanon kaayo nila ang sakyanan aron magamit sa ilang pag inspection sa mga buildings sa GenSan.
Nasayran nga sa wala pa ang upat ka bag-ong mga sakyanan motorsiklo ang ginagamit sa naga inspection sa OBO.
Daku usab ang pasalamat sa labaw sa Integrated Cultural Communities Affairs Division kon ICCAD nga si Jocelyn Kanda kay aduna na silay sakyanan nga magamit sa mga request sa tribung Muslim alang sa pagpalubong sa ilang mahal sa kinabuhi.
Ang pahimangno sa labaw sa General Services Office kon GSO nga si Engineer Gina Yanzon nga gamiton sa husto disenuebe ka mga sakyanan alang sa serbisyo publiko. I Ver Diazon