Tungod sa kalisud ug kakulang sa pagkaon gidugangan pa sa paglutos sa mga sundalo sa ilang gitaguan, boluntaryong misurender ang duha ka babayeng child warriors.
Ang duha nailang sila si Alyas Tala, 16-anyos ug Alyas Angie, 17-anyos nga nitahan sa tribal leader sa Barangay Sabud, Loreto, Agusan del Sur dayong giturnover kang Ltc. Ronaldo Sarmiento sa 60th Infantry Battalion’s (60IB) Balik-Loob Assistance Center (BLAC).
Ang duha sakop sa Ata Manobo tribe nga nahimong myembro sa Weakened Guerilla Front 3 (WGF 3), ubos sa Sub Regional Committee 4 sa South Mindanao Regional Command.
Nagtungha matud pa sila sa Salugpungan Tatano Igkanugon Community Learning Center, usa ka tulunghaan nga gipadagan sa Communist Party of the Philippines-National Democratic Front-New People’s Army (CPP-NDF-NPA), ug nahimong raliyesta sa kauluhan niadtong 2017 ayha nahimong regular member sa NPA niadtong 2019.
Saysay sa mga nahisgutan nga dili na nila maantos nga grabeng kalisud ug demand sa walhong grupo gawas pa sa kakulang sa pagkaon ug kahadlok nga maigo atol sa mga engkwentro tali sa militar.
Ang duha ka surrenderees gikustudiya karon sa Municipal Social Welfare and Development office sa Kapalong, Davao del Norte ang gipailawum sa complete physical examination ug medical check-up.
Gikatakda usab nga ipasaka ang kaso batok sa mga perspnalidad sa WGF 3 sa paglapas sa Republic Act 9262 (R.A. 9262) o ang Anti-Violence Against Women and Children Act. BNFM-DAVAO
