PADAYON ang imbestigasyon sa Commission on Human Rights (CHR) 12 sa gikaengong Extra Judicial Killings (EJK) ug drug- related cases. Matud ni Atty. Keysie Gomez, tigpamaba sa CHR-12 nakarekord sila og 46 incidente asa sagad ang giimbestigahan tungod sa gikatahapan nga pagpakamatay sa punting sa police operation.
Sa ihap usa ka kaso ang napasaka na nila sa Ombudsman samtang ang usa ang padayong gidungog sa Internal Affair Service (IAS) sa Police Regional Office (PRO-12). Dunay usab kaso nga bag-o lang nila nagunitan, asa karon padayon ang gihimong rebyu.
Wala na gidetalye ni Gomez ang unod sa kaso apan unang nabutyag nga susamang kaso nga gihuptan nila nga nahitabo sa South Cotabato. Kahibaloan dungan sa init nga giyera batok iligal nga droga, pipila ka pamilya ang nagpatabang sa media outlet. Aron isinggit ang hustisya dungan sa pagkamatay sa ilang kabanay sa operasyon sa kapulisan. I Richel Gubalani