Hingpit nang gipirmahan sa Leyeco V, Meadowland, ug Ecogen ang kontrata alang na sa pagtukod sa dekada na nga pangandoy nga 2MegaWatt Hydroelectric Power Plant. Gipahiagayon sa ng contract signing niadtong Biyernes sa hapon didto sa Training Center sa Leyeco V.
Ang nahisgutang proyekto ang adunay projected cost nga kapin sa 513 milyones ka pesos diin ang maong pondo ang gikuha pinaagi sa usa loan gikan sa Development Bank of the Philippines ug sa National Electrification Administration. And DBP, una nga ming-aprubar og 441 milyones ka pesos apan mamahimo pa kining madugangan. Ug ang NEA, ang mingpondo usab kapin sa 51 milyones ka pesos apan magdepende unya daw kini kung pila ra ang maggamit sa Leyeco V.
Molanat ngadto sa 11 ka tuig ang pagbayad unya sa maong loan. Tungod unya niini, napalantawan ang dugang usbaw nga 5.90 pesos kwh sa presyo sa kuryente sud sa 11 ka-tuig, apan mokunhod kin isa 3.80 pesos sa mosunod nga katuigan.
Samtang, sa mao unya nga planta, mokuha kini og tubig sa Bao River nga gikan sa Brgy Nueva Vista sa dakbayan sa Ormoc, tadlas sa Brgy San Ignacio sa Kananga ug tukoron ang plant sa Brgy Masarayao sa nahisgutang lungsod.
Sa pamahayag ni Leyeco V General Manager, Atty Jannie Ann J. Dayandayan, CPA, nga mayoriya sa mga luna nga maagian sa proyekto ang gipalit sa kooperatiba ug dunay iya sa gobyerno nga nagkinahanglan og special land use permit gikan sa DENR.
Gibana-bana nga molanat kapin kon kulang 2 ka-tuig mahuman ang maong proyekto nga mohatag og 2 megawatt nga kaugalingon suplay sa kuryente nga ipagawas sa Libongao Sub-Station.