Gipanglata na ug gilubong 10ft below the ground niadtong Hulyo 26 ang 263 ka mga karton sa smuggled nga sigarilyo nga mobalor sa 3.5 milyones ka pesos lakip ang fishing vessel nga gikargahan niini human nakumpiska sa Governor Generoso Municipal Police Station Governor Generoso Davao Orientral niadtong Mayo 12 ning tuig kasamtangan pasado alas 7 sa gabii.
Mitambong atol sa kalihukan si Municipal Mayor Juanito “Kulot” Inojales, DOPPO Provincial Director Pcol. Francis Donald C. Brillante, ginsakpan sa Governor Generoso Municipal Police Station sa pagpanguna ni Pmaj. Marvie Singayan, mga personahe sa Commission on Audit Region XI, Municipal Trial Court, PDEA ug Governor Generoso Bureau of Fire Protection.
Sa pakighinabi sa Brigada Mati kang Municipal Mayor Inojales, gibutyag niini nga seryoso ang lokal nga panggamhanan sa Governor Generoso nga mo sumpo sa mga illegal nga aktibidad sama sa illegal nga importation sa bisan unsang produkto tungod hugot nilang ginasuportahan ang mga lehitimong mga mamumuo sa nsangpit nga lungsod.
Sa pikas bahin, gikanayon usab ni Pmaj. Singayan nga hugot usab ang ilang kampanya sa mga illegal fishing, mining ug bisan unsang illegal nga aktibidad nga makadaot sa kinaiyahan ug katilingban.
Kahinumdumang niadtong Mayo 15, pormal nga napasakaan sa Govgen PNP og kasong paglapas sa Republic Act 10643 kon Graphic Health Warning Law ang walo ka mga indibidwal nga maoy nagpayuhot sa maong mga sigarilyo nga giingong mga dayo pa gikan sa Zamboanga ug Basilan.