Usa ka tawo ang patay ug tulo ang kritikal nunot sa nahitabong bangga sa tulo ka sakyanan alas 10:00 ang takna sa buntag, Oktubre 15, 2021 sa Sinaragan Bridge, National Road, Brgy. Sinaragan, Matanao, Davao del Sur.
Subay sa imbistigasyon sa kapulisan sa Matanao, nawad-an og kontrol tungod sa kadangog sa dalan ang drayber sa Furtuner nga si Mohammad Jameel Salasal Ibrahim, 26 anyos, residente sa HK Doton St, Poblacion 3, Cotabato City dunay tulo ka pahinante nagbyahe padulong sa Digos City, gumikan sa kakusog sa ulan ug kadanlog sa dalan, na slide matud pa ang maong sakyanan.
Gisulayan pa sa pagmaniobra sa drayber apan nituyok ug natapon sa pikas linya nga gisubay sa laing sakyanan nga gimaneho sa usa ka Teofilo Guilot Bulawan, 67 anyos residente sa Kidapawan City nga miresulta sa
grabeng kadaot.
Nadamay pa ang nagsunod nga multicab nga gimaneho sa usa ka Joel Pulvera Coma, 48 anyos, residente sa Christian Village, Digos City nga adunay 3 ka pasahero nga nalamba sa Furtuner.
Patay on the spot ang drayber sa multicab nga si Coma samtang kritikal ang kondisyon sa iyahang asawa nga si Geraldine Coma, 37 anyos ug duha ka mga minor de edad na mga anak.
Sa kasamtangan nakakustodiya karun sa Matanao Pulis Station ang drayber sa Fortuner lakip na ang gimaneho niining sakyanan. BNFM-Davao
