Upat na ang patay sa Sitio Balon, Tigatoo sa dihang laing senior citizen ang namatay kagahapong adlawa human gidagan sa balay tambalanan.
Ika-upat nga namatay si Flor Pamat, inahan sa unang namatay nga si Jesus Olarte.
Sa interview sa Brigada News Team sa usa sa mga residente, wala na sila nasayod unsay angay nilang himoon ug naglibog sila sa nahitabo karon sa ilang lugar.
Gumikan sa kahadlok, ubay ubay nga mga pamilya ang namiya sa ilang lugar ug namakwit sa kasikbit nga mga lugar.
Gikabutyag nga ilang gibyaan ilang mga hayop ug ulion lang matag adlaw aron bahogan ang ilang mga binuhi ug mobiya ra usab dayon tungod sa kahadlok.
Gikuhaan na ug samples sa DOH ang tubig nga maoy tinubdan sa ilimnon sa mga residente.
Sukad kagahapong adlawa, wala na sila niinom sa ilang tubig nga naggikan sa spring, flowing ug balon human gisuplayan ug mineral water sa barangay.
Nasayran nga karong adlawa (May 21) maoy adlaw sa kapistahan Sitio Balon .