Nagpadala nasab ang Department of Health Northern Mindanao og laing batch sa frontline health care volunteers ngadto sa CALABARZON.
Kini isip tubag ug tabang sa rehiyonal nga buhatan sa kakulangon sa personahe sa Luzon nga ga-atiman sa nagkataas nga ihap sa pasyente tungod sa COVID-19.
Gi-ila ni DOH-10 Regional Director Dr. Jose Llacuna Jr., ang mga nag-boluntaryo nga health workers.
Partikular nga gipadala ang volunteers sa Daniel O. Mercado Medical Center sa Tanauan, Batangas nga gilangkuban ni Dr. Emerald Holly Tago usa ka medical officer sa Clarin, Misamis Occidental ug 11 ka nurses nga gikan sa Lanao del Norte, 5 sa Misamis Oriental ug 2 sa Cagayan de Oro.
Mulungtad ang maong ihap sa kauluhan hangtod sa Mayo 31 ning tuiga, subay niini naglaom ang DOH-10 nga makabalik ang mga frontliners dinhe sa rehiyon nga luwas ug maka-angkon sa daghang kahibalo sa pagdumala sa COVID-19 patients.