Nanindigan ang limang pulis na idinadawit sa robbery-extortion sa Maynila na inosente sila at walang katotohanan ang ‘di umano’y pangongotong nila ng pera sa may-ari ng isang computershop.
Sa pagsuko ng limang AWOL na pulis-Maynila, idiniin nilang kaya raw sila nag-surrender sa mga otoridad ay para mapatunayang wala silang kasalanan.
Sinabi pa nila na mayroon silang mga ebidensyang hawak-hawak para igiit ang kanilang pagiging inosente.
Kung maalala, kagabi ay sinabi nilang lehitimo ang kanilang operasyon lalo na’t ‘di umano – ang computer shop na kanilang in-operate ay isa raw online casino hub.
Una nang nasibak ang lahat ng miyembro ng District Police Intelligence Operations Unit (DPIOU) ng Manila Police District kabilang na ang hepe ng unit na ito.
Nasampahan naman na ng patung-patong na kaso ang limang mga pulis.
#