5 kabataan kabilang ang 1 at 3 taong gulang na bata nagpositibo sa COVID-19 sa bayan ng Vinzons Camarines Norte

CAMARINES NORTE- Sa pamamagitan ng Official Facebook page ni Mayor Nory Ferrer Segundo ay inilahad nito ang mga impormasyon ng mga panibagong kaso ng COVID-19 sa bayan ng Vinzons

Kung matatandaan, sa ulat ng DOH Bicol, sa naturang bayan, may 6 na naitala nitong April 25, habang may isang nagpositibo na naiulat nitong April 21, 2021

Sa FB post ng naturang alkalde 5 sa mga nagpositibo ay kinabibilangan ng mga kabataan kabilang dito ang isang taon at 3 taong gulang na syang pinakabatang naiulat na nagpositibo sa sakit sa lalawigan ng Camarines Norte

Ang limang kabataan ay tinukoy ng LGU sa mga local code na:

Bicol#: 7406, 3 taong gulang na lalaki at Bicol#7407, 12 taong gulang na lalaki, na kapwa mga asymptomatic  

Bicol# 7408, 1 taong gulang na babae pinakabata sa mga nagpositbo, Bicol#7409, 10 taong gulang na batang babae at Bicol# 7427, 13 taong gulang na babae, isang asymptomatic  na pawang mga close contact

Ang mga kabataang ito  na nagpositibo ay pawang mga residente ng Brgy. Matango Vinzons Cams Norte at kasalukuyang nakaquarantine sa MHO Vinzons

Habang ang dalawa pang nagpositibo ay tinukoy ng LGU na sina

Bicol #: 6792. 54 anyos na babae at isang guro residente ng Matango Vinzons  na kasalukuyang nakaquarantine sa RHU III Daet at  Bicol#: 7400, 31 anyos na babae isang frontliner na taga Calangcawan Norte na kasalukuyang nakaquarantine sa MHO Vinzons

Patuloy namang nagpapaalala ang naturang LGU sa publiko na sumunod sa Health Protocols

Leave a Reply

Your email address will not be published.