Gilauman nga mukabat sa halos 5mil ka job vacancies ang mapahimuslan sa mga nangita ug trabaho karung Abril 29, 2023 sa dakbayan sa Mandaue.
Human mupahigayon ang Public Employment Services Office (Peso)-Mandaue ug job fair nga himoon sa Mandaue City Sports and Cultural Complex gikan sa alas 8 sa buntag hangtud na sa alas 5 sa hapon.
Matud ni Musoline Suliva, head sa Peso-Mandaue nga gilauman nila ang libu-an ka mga jobseekers ang mu-apil sa maong aktibidad.
Nasayran nga anaa sa 33 ka local companies ug 4 ka overseas companies ang musalmot sa nahisgutang job fair.
Gidugang ni Suliva nga ang PESO-Mandaue muhimo ug 4 ka job fairs matag tuig.//