Gipasalig sa bag-ong Acting Commanding Officer sa 67th Infantry Battalion nga si Lt. Col. Arvin M Tenorio, ngadto kang Governor Nelson L. Dayanghirang nga magpadayon ang commitment sa militar sa pagmintinar sa kahapsay, kalinaw ug kalambuan sa Davao Oriental, kini dungan sa gihimong courtesy call.
Dungan sa pagbisita ni Lt. Col. Tenorio ang pagpresenta usab sa upat ka myembro sa rebeldeng
New People’s Army nga bag-ohay lang misurender bitbit ang ilang mga armas.
Ang mga former rebels mao sila si Alias Ka-CJ, former SPARU/Bomber sa GF18, dala ang S&W 357, usa ka Garand, ug Sniper Rifle; Alias Ka-Bernie, former VTL, Baking, Primera sa FGU15 nga nagbitbit sa iyang US M1 Carbine Rifle nga dunay 46 live ammunitions ug 3 magazines (2 long, and 1 short); Alias Ka-Diring, kanhing myembro sa baking, primera sa WGF25 nga nagsurender sa iyang M61 Fragmentation Grenades; ug Alias Ka-Palolot, sakop sa Abe, Segunda sa WGF25 dala ang iyang US Garand Rifle nag dunay 11 clips, 83 live ammunitions ug bandolier.
Ang mga nahisgutan ang gikatakdang modawat og mga benipisyo ilawum sa National Task Force to End Local Communist Armed Conflict, retooled community support program activities, ug sa Enhanced Comprehensive Local Integrated Program (E-CLIP).
Samtang, isip kabahin sa inisyatibo sa PLGU-DavOr, matag usa kanila ang ha ugtagan og P100,000 UG P50,000 matag usa alang sa mga negotiator. BNFM-DAVAO
