Nagreklamo sa Kalibo MPS ro sangka babaye matapos segun imaw nga papanaugon it tricycle driver.
Base sa complainant, samtang imaw hay sa may Martelino St., ginpaypay imaw it tricycle driver para pasakyon.
Ginkutana segun imaw it driver kung siin imaw manaog ag kat ginhambae nana nga sa tabok imaw it provincial hospital hay ginpapanaog imaw it driver ag naghambae segun raya nga gauli imaw.
Bangud sa insidente hay nagparecord ro complainant sa pulis ag naboe-an kara it body number ro nasambit nga tricycle.
Samtang, gin-refer man ro insidente sa traffic management it Kalibo. / ANN DESLENE SALAZAR