Natagpuan kahapon ang bangkay ng isang college student sa isang bakanteng lote sa Cavite.
Unang naiulat sa pulisya ang pagkawala ng 24-anyos na si John Matthew Salilig, isang chemical engineering student mula Adamson University noong February 19.
Halos mahigit ng isang linggo itong nawawala bago natagpuan ang bangkay nito.
Huli itong nakitang buhay ang biktima noong February 18 sa isang bus terminal sa Buendia, Manila, dakong alas-10:26 ng umaga.
Nakita pa siya sa CCTV sa terminal na kasama ang iba pang miyembro ng fraternity. Nakasuot pa ito ng uniporme ng Adamson University. Samantala, Sa isang pahayag kahapon , kinumpirma ng Adamson University ang pagpanaw ng isang estudyanteng naiulat na nawawala, bagaman hindi na ito pinangalan.
Inihayag ng Adamson na nagsasagawa ito ng sariling imbestigasyon sa insidente at tiniyak na makikipag-ugnayan sa mga awtoridad kaugnay sa kaso.//CA