NANGAMDAM na ang kapulisan sa GenSan sa taliabot nga pag-obserba sa ‘Mahal nga adlaw’ sa Abril.
Matud ni Police Col. Jomar Alexis Yap, city police director sa General Santos City Police Office (GSCPO) nga gimanduan na niya ang mga station nga magpabiling visible labi na sa mga gitawag nga critical areas.
Partikular nga bantayan sa mga sakop ang mga lugar nga sagad dagsaon sa mga tawo, sama sa simbahan, malls, palengke ug mga beaches tungod na usab sa long weekend asa dunay panahon ang tanan nga mobisita sa ilang pamilya.
Samtang, nagkaduol ang semana santa, padayon ang paghugot sa kapulisan sa seguridad sa siyudad.
Giawhag usab niini ang kapulisan nga mahimong visible ug mag-igmat ug protektahan ang mga motorista ug commuters nga mobisita sa ilang pamilya.
Hangyo niini sa katawhan nga makig-alayon kanila kung may dautang elemento nga masayran aron masumpo ang plano.
Samtang magdeploy sila og mga pulis sa simbahan aron masiguro ang seguridad og kaluwasan og sa katawhan. I Richel Gubalani