Gipakusgan na sa kapolisan sa Talakag Municipal Police Station ang paglusad sa munhunt operation batok sa usa ka suspek nga namusil sa upat niini ka mga kauban sa trabaho sa Purok-2, Brgy. San Isidro, Talakag, Bukidnon.
Sumala ni Talakag Municipal Police Station, Deputy Chief of Police, Lt. James Luton nga nakig-koordinar na sila sa intelligence unit sa Police Regional Office 10 aron mapalapdan ang pagpangita sa suspek nga si George Mamac.
Kahibaloan nga sa nahitabong pagpamusil patay ang biktima nga si Romulo Monterde Jr, samtang samaran ang tulo nga sila si Prince Monterde, Alex Macapas ug Jonel Ambot, polus mga trabahante sa usa ka construciton company.
Ang mga samaran, padayon nga nagpa-alim karon sa usa ka balay tambalanan dinhe sa syudad sa Cagayan de Oro.
Una nang migawas sa imbestigasyon nga homan nga nadawat sa mga biktima ang ilang sweldo, ug sa dihang nagkatigom ug nag-inom sa ilimnong makahubog kalit lamang mitunga ang suspek ug namusil gamit ang 45 caliber pistol.
Personal nga bangi ang gitutukan nga anggolo karon sa kapolisan nga maoy posibling motibo sa maong pagpamusil.