LEGAZPI-Aabot sa 80 na buhay na manok ang natanggap ngayon ng mga Indigenous People o IPs ng Barangay San Andres Bayan ng Sto Domingo lalawigan ng Albay bilang alternatibong kabuhayan ngayong pandemya.
Ang nasabing tulong ay pinamahagi ng Department of Agriculture kasama rin ang Albay Breeding Station at pakikipag koordina sa Municipal Social Welfare and Development Office at MAO office ng nasabing bayan.
Matapos ang pinamahaging mga manok, binigyan din ng kaalaman ng mga nasabing opisina ang mga IPs kung pano nila ito aalagaan at paparamihin ng sa ganun ay makatulong sa kanilang kabuhayan.
Kung babalikan, ang barangay San Andres ay isa sa mga lugar sa bayan ng Sto Domingo na matatagpuan ang mga pamilya ng Indigenous People na kung saan nabigyan rin ang ilan sa mga ito ng mga permanenteng bahay.