SUKWAHI ang panglantaw ug komento sa anak sa kanhi IPMR sa General Santos City sa paghupas na sa termino ug ang lugway sa pagpangatungdanan ni kanhi Kagawad Lucio Cawayan.
Sa paghinabi sa 89.5 Brigada News FM Gensan kay Kristine Faith Talon, anak sa kanhi Indigenous Peoples Mandatory Represenattaive nga si Benjamin Talon sumala niini nga nalipay siya kay nahuman ni Cawayan ang termino kumpara sa naunang tulo ka IPMR nga wala kahuman sa tulo ka tuig.
Nawala na daw ang gituhoan sa pipila nga adunay sumpa o curse ang mao nga posisyon ug si Cawayan ang nakapamatuod niini ug nakahatag kini og kalipay sa tribu.
Gidugang ni Talon nga sa bahin sa agi ni Talon isip IPMR dili siya makasulti nga walay nahimo si Cawayan kay aduna gayod kini nahimo ug iyang ginarespito ang kanhi konsehal nga nagarepresenta sa mga IPs.
Nakaagi man daw kini sa public service ug siya makasulti nga dili sayon ang paghimo sa mga programa, dili madungan ang pagtapos sa proyekto, mao nga nagapasalamat siya sa serbisyo ni Cawayan nga nakabenipisyo usab ang katawhan.
Gidugang ni Talon nga aduna na silay nahimo nga local guidelines sa selection process sa IPMR, nakalatid nga amendahan kini unya palig-unon sa Indigenous Political Structure kon IPS matag tulo ka tuig ug kaniadtong bulan sa Enero pa sila nag- convene. ( Ver Diazon)