Gipasalig sa Department of Labor and Employment (DOLE)-XI nga tabangan sa ahensya ang mga food delivery riders sa Food panda nga gipatanggalan og access ug naundang sa pagtrabaho.
Sumala kang Atty. Connie Beb Torralba, mediator arbiter sa DOLE-11, mamahimong ipaialwum sa TUPAD program ang mga apektadong rider aron nga dunay temporaryong income samtang naghulat nga masulbad ang ilang molo.
Kahinumdumang naglusad og rally ang gatusan ka food rider sa Roxas avenue aron ipaabot sa pamunuan sa Food panda ang ilang hangyo nga patas-an ang ilang delivery fee matag transaksiyon gumikan sa kagamay sa ilang kita og halos wala nay mauli sa ilang pamilya.
Yangongo sa mga food riders nga adunay mga panahon nga kinahanglan nila ug maintenance sa ilang mga motor, gasolina ingon man kaugalingon sab nila nga gasto ang load sa ilang cellphone nga gamiton sa ilang transaksiyon sa ilang mga kustomer.
Tungod niini duha ka adlaw nga nag-boy cott ang mga nahisgutan busa gisuspendi sila sa pag-access sa ilang mobile app hangtud tuig 2031 nga nakabutang sa ilang panginabuhian sa peligro.
Ang gihimo matud pa sa mga food rider ang paglapas sa freelance agreement.
