Tingkagol sa prisohan ang usa ka lalaki, human tigbasa ang iyang asawa ug ugangan, sa may Barangay Camating Tudela Misamis Occidental, nga nahitabo kaniadtong Mayo 17, sa gabie niining tuiga.
Nagpahigayon gilayon og operasyon ang Tudela Municipal Police Station, diin tanang agianan gipabutangan og operatiba aron dili makagawas ang suspek sa lugar nga miresulta sa pagkasikop sa suspetsadong giilang si Juanito Madlos, minyo, og residente sa naasoy nga lugar.
Gibutyag sa suspetsado , nga mopahulay tungod kay nakainom, ug galain ang iyang lawas, dedto gaatang ang iyang asawa ug ugangan, sa dihang patikang na siya sa hagdan gisindol ug kalit iyang tiil, hinungdan sa pagkasukamod niini, og kalit lang nawad-an siya sa iyang kontrol sa kaugalingon, hinungdan nga mikuha siyag sundang og gitigbas niya iyang asawa ug ugangan.
Matud pa sa hepe sa Tudela nga si Police Major Roland Donor, nga ang gikataho sa ilang buhatan mao ang pagpanluba sa suspetsado sa silingan niini, apan dako nalang ang ilang pagkahikugang sa dihang miresponde na ang tropa sa kapulisan, tungod kay naabtan sa panimalay niini ang nagbuy-ud nga patay’ng lawas sa ugangan ug asawa sa suspetsado.
Hinungdan nga nakaangkon ang mga biktima og samad tignigbasan sa nagkalain-laing parte sa kalawasan, 11 ka samad tinigbasan ang asawa niini, ug 7 ka tinigbasan ang naangkon sa iyang ugangan, gamit ang naasoy nga hinagiban.
Ang suspetsado nakit-an sa kapulisan nga nagbaklay sa kalsada, nga nagkadugo ang bisti niini, hinungdan nga nasikop kini.
Sa pagkakaron, anaa na nagtingkagol sa selda ang suspetsado ug nag-atubang kini sa kasong muder, ug parricide o pagpatay sa kaugalingong kadugo ug gaatubang usab sa kasong Frustrated Murder.(Jean Ruben)