GIBASOL sa usa ka konsehal ang iyang kauban sa serbisyo nga maoy sad-an nganung nabasura ang usa ka giduso nga ordinansa.
Sumala kang Gensan City Councilor Atty. Edmar Yumang nga si Konsehal Atty. Dominador Lagare Jr. ang may sala nganong nabasura kaniadtong nakalabay nga sesyon sa SP ang Tricycle Franchise Ordinance.
Anaa na matud pa sa ikatulong pagbasa ang gidusong ordinansa apan wala gi pursue ni Atty Lagare ug kalit nag file og motion to withdraw , hinungdan nga nabalik sa 2nd reading.
Gihingusgan ni Atty. Yumang nga tungod nisulod na sa ikaduhang pagbasa , walay lain pang angayang basulon kundili si Atty. Lagare tungod nag abli na ang SP alang sa lain na usab nga debate.
Dugang pa niini nga buot niyang tabangan si Lagare apan wala na siyay nahimo tungod nag withdraw na kini.
Kahinumduman nga kaniadtong milabay nga semana adlawng Martes gibasura sa SP ang maong ordinansa, apan luyo niini , nagsaad si GenSan City Vice Mayor Rosalita Nuñez nga top priority nila ang Tricycle Franchise Ordinance.
Alayon niini naghatag usab og pahayag si Gensan City Mayor Lorelie Pacquaio nga nagpabilin siyang positibo nga mapasa ang maong ordinansa. – Jane Alido