NAGPAHIMANGNO ang City Health Office (CHO) kalabot sa mga sakit nga pwedeng makuha sa tawo tungod sa init nga panahon.
Ang maong pahimangno ang human sa pagdeklara sa PAGASA nga makasinati og El Niño ang nasud una mahuman ang tuig 2023.
Naghatag si Dr. Karl Igrobay og top 3 common diseases nga mamahimong makuha sa katawhan sa Gensan tungod sa init nga panahon.
Una niini ang Chicken Pox o mas nailhan nga hangga sa Bisaya kung asa nakatala og 23 ka mga kaso kaniadtong 2022.
Ikaduha ang Sore Eyes nga may 15 ka kaso ang natala kaniadtong milabay nga tuig ug ang ulahi food poisoning nga misangko sa Diarrhea kung asa 10 ka kaso ang natala kaniadtong 2022.
Gawas sa top 3 common diseases nga nahisgutan, makonsidera usab matud pa nga usa sa makahadlok nga masinatian sa summer ang heat stroke.
Kinahanglan matud pang hydrated permanente pinaagi sa pag inom og 8 hangtod 10 ka baso sa tubig.
Samtang kung dili maayo ang ginabati sa panglawas, gibutyag ni Dr., Igrobay nga abli ang CHO alang sa libreng check up.
Gawas niini, usa sa interbensyon nga gimugna sa Department of Health ug City Health Office ang education campaign labi na pag muabutay na ang summer season. – Jane Alido