Ginlunsar kagaina sang hapon ang Bacuna Card para sa mga fully vaccinated nga mga Bacolodnon agud magamit sa domestic travel.
Ang card ang may yara sang mga importante nga vaccination details kag QR code naga nagapamatuod nga fully vaccinated ang isa ka indibiwal sang Covid-19 vaccines.
Ini ang magamit sa mga seaport kag airport agud indi na kinahanglan nga magpakita sang negative RT-PCR test result.
Ang QR code ang igascan kag magaroute ini sa official portal sang syudad sa diin makita ang vaccination details sang nagapanag-iya sang card.
Paagi sini, ginsiling ni Mayor Evelio Leonardia nga masigurado nga authentic ang card kag fully vaccinated ang isa ka persona.
Dugang pa sang alkalde nga maabot ang tinion nga kinahanglan na sang mga Bacolodnon nga magpakita sang Bacuna Card kun magsulod kag magdine-in sa mga restaurant pati na ang pagsulod sa mga sinehan.
Ginsiling naman ni Emergency Operations Center Task Force, executive director Em Ang nga bangud 1st phase pa lang ang launching, ang mga fully vaccinated nga nagatravel paguwa kag pasulod sa Bacolod ang pagaunahon nga maissuehan.
Ang luyag nga magkuha sang Bacuna Card ang sarang nga makig-angut sa official facebook page sang MITCS (https://m.facebook.com/101907695640747) ukon magtawag sa (034) 435-4168 kag mag email sa [email protected]
Kinahanglan lang nga ipakita ang temporary vaccination card kag government issued ID agud ma proseso ang Bacuna Card.
Makaligad ang 2 tubtob 3 ka adlaw, sarang na nga makuha ang card sa MITCS sa groudfloor sang government center.
Yari ang link sang official press release;
https://m.facebook.com/story.php?story_fbid=256571799840403&id=100064627544812