Subling gipasabot ni Southern Philippines Medical Center (SPMC) chief Dr. Ricardo Audan, nga bisan paman nga bakunado na batok Covid-19, dili matud pa buot pasabot nga dili na mataptan sa maong virus.
Una ng giluwatan sa opisyal nga posibleng makasinati og COVID-19 surge ang Davao City tungod sa umaabot nga holiday season diin laomang daghan ang magpahigayon og events, parties ug pagtapok-tapok ilabi na nga gipaluagan na ang restriction sa syudad batok Covid-19.
Laoman matud pa nga posibleng masinatian ang surge sa Katapusan sa Enero o Pebrero kung magkumpyansa ang mga tawo ilabi na kung dili mutamod sa Minimum Public Health Protocols.
Tungod niini, nangandam ang SPMC sa pagsaka sa kaso sa Covid-19 sa syudad samtang nagpasida-an kini sa dabawenyos nga dili magkumpyansa sanglit nagpadayon pa ang bahad sa Covid-19 diin kinahanglan gihapon nga mutamod sa mga gipatumang lakang sa gobyerno batok sa maong virus. BNFM-Davao