Arestado han mga otoridad an tulo nga mga drug suspek ha gindumara nga buy-bust operation dida han Abril 7, 2023, Barangay 84 Manlurip, Tacloban City.
Ginkilala an mga suspek nga hira Alias “TATA”, Alias “SADAM” ngan Alias “RODRIGO”, pareho ada ha sakto nga pangidaron. .
Nakumpiskar tikang kan alyas Tata an usa kasachet hin shabu nga napalit han poseor buyer.
Nanguna ha operasyon an mga operatiba han SDEU TCPO-PS2 ha pamumuno ni PCPT REY T BALDICANO JR, ha ilarom han deriktiba ni PMAJ JOSELITO B AMISTOSO, Station Commander han PS2 kasugbong an PDEA RO8.
Labot la hito, in nakuha pa ha iya an 11 kabug-os hin shabu tikang ha iya posesyon ngan pira pa nga drug paraphernalia, samtang duha naman kasachet hin shabu an narekober kan alyas RODRIGO kun diin mayda an mga ini kabug-osan nga market value nga P68,000 ngan kabug-aton nga more or less 10 grams.
Naatubang na an mga suspek ha pagtalapas ha Sec. 5, 11, 12 & 13 han Article II han RA 9165.