Kulangon ang ihap sa mo-biyahe nga Roro Vessel pa Camiguin Province to Balingaon Misamis Oriental Vice Versa karong semana santa sigun sa Coast Guard Camiguin.
Gibutyag ni Coast Guard Petty Officer 2ND Class Rondel Lopecillo nga anaa lang karon sa 6 ka barge ang positibo nga maka-biyahe sa mahal nga adlaw.
Mao kini ang MV Super Shuttle Ferry 5, Super Shuttle Ferry 6, Super Shuttle Ferry 17, Super Shuttle Ferry 21, Super Shuttle Ferry 28 ug MV Maayo.
Posible nga madugangan pa kini og isa ka barge nga MV Francisco kung aduna na kini papel gikan sa Marina.
Ang pamahayag ni CG PO 2ND Class Rondel Lopecillo sa pakighinabi sa BNFM-CDO.
Dugang pa ni CG PO Lopecillo nga anaa lang usab sa 200 ka pasahero ang ma-akomodar sa matag passenger vessel ug 20 paubos ang pwede maka-sakay nga salakyan depende na sa kadak’on.
Dako ang posibilidad nga mahimong 24 oras ang ilang biyahe sunod semana kung makakuha kini og special permit gikan sa Marina.
Samtang nanawagan karon ang Coast Guard Camiguin sa luwas ug hapsay nga pag biyahe sa pagbalaan sa Semana Santa 2023.