Subling nagpatuman sa Border Control ang pipila ka lungsod sa Misamis Oriental batok ASF kon African Swine Fever.
Usa ang lungsod sa Talisayan ang nagpagawas og Executive Order alang sa hugot nga pagbantay sa mga musulod nga binuhing baboy gikan laing lugar sa Mindanao.
Nakalatid sa kamandoan ni Talisayan Municipal Mayor Rico Taray nga ang hugot nga pag-monitor sa barangay Mandahilag, Mintabon, Bugdang, Sindangan, Sta. Ines ug Magkarila kung asa dunay namatikdan nga kaso sa ASF.
Nalakip sab sa executive order nga walay ipasulod nga mga binuhing baboy kung walay igong dokumento gikan sa PVET kon Provincial Veterinary Office.
Una nang gibutyag ni Provincial Veterinary Office Head Dr. Benjamin Resma Jr nga walay puas ang ilang pagbantay sa mga border area sa lungsod sa Lugait ug Magsaysay, Misamis Oriental.