Opisyal nang bubuksan ng Pamahalaang Bayan ng Donsol ang Butanding Season simula ika-16 ng buwan ng Pebrero.
Ayon kay Mayor Ted De Guzman, alkalde ng nasabing bayan, payayabungin nila ang suporta ng kanilang mga stakeholders lalong lalo na ang suporta ng Pamahalaang Lalawigan.
Ayon naman kay Sorsogon Provincial Tourism Culture and Arts Head Bobby Gigantone, magkakaroon ng Tourist Boat Enhancement Program ang mga boat operators ng bayan para mas lalo pang mapaganda ang kanilang mga serbisyo na ibibigay kabilang na ang pagsasaayos ng kanilang mga sasakyan. Magbibigay rin umano ng libre at bagong uniporme sa mga boat captains at crews nito ang Provinciall LGU para mas maging handa ang mga ito sa pormal na pagsisimula ng summer season.
