Nagresulta sa pila ka oras nga pagbaha ang pipila ka bahin sa Cagayan de Oro tungod sa kusog nga pag-ulan, Dominggo sa hapon, Hunyo 11 ning tuiga.
Dunay mga dalan nga dili pwedeng ma-agian tungod sa pagsaka sa lebel sa tubig, lakip ang Kauswagan Highway, Villarin brgy. Carmen, Apovel Bulua, ug CM Recto bisan man ang pipila ka uptown areas sa syudad.
Diha-diha sab nga nag-alerto ang mga personahe sa City City Disaster Risk Reduction Management Department alang sa pagtubag sa posibling emerhensya.
Hinuon walay natala nga dakong insidente tungod sa kusog nga pag-ulan, gawas lamang sa punuan sa kahoy nga natumba sa Barra, Opol Misamis Oriental hinungdan nga natumbahan ang usa ka L300 van.
Mihupa ang tubig baha homan sa pipila ka oras nga pag-ulan, ug mibalik sa normal ang sitwasyon labi na sa trapiko.
Sa karon, wala nay thunderstorm advisory sa Mindanao basi sa ulahing update sa PAGASA.