NAHUROT na ang pondo nga 30% quick response sa City Disaster Office isip calamity fund alang sa mga nasunugan sa Purok Saeg Calumpang, na-divert matud pa ang pondo tungod sa miigo nga pandemya, kini ang impormasyon nga gibutyag ni Doc. Bong Dacera labaw sa City Disaster Risk Reduction Management Ofiice kon CDRRMO atol sa session sa Sangguniang Panlungsod adlaw nga Miyerkules, Nobyembre 24.
Kung anaay kalamidad nga mahitabo, wala nay pondo nga makuhaan og ayuda alang sa mga tawo, hurot na usab ang gahin nga 97M alang sa relocation area.
Kalabot sa maong hisgotanan, naghatag og reaksyon ang usa ka driver nga si alyas John residente sa Barangay Labangal kalabot niini. Sumala ni John imposible nga mahutdan og pondo ang syudad tungod anaay daghan kompanya o mga negosyo nga natukod, rason nga paigo kini alang sa mga katawhan. ( Enamie Mogpon)