Ginlunsyar sang Capiz Environment Environment and Natural Resources Office (CAPENRO) ang ‘A Seed for a Forest on Wheels’ seed collection activity sa atubang sang municipal hall sa banwa sang Pilar.
Madamo nga Pilareños ang nagpatisipar sa nasambit nga aktibidad pinaagi sa paghatag sang seedlings kabaylo sang household essentials kasubong sang bugas, asukar, kape, noodles, sardinas, corned beef, sabon panglaba, kag merchandise kaangay sang t-shirt, kalo, kag tumbler depende sa kadamoon sang liso ukon seedlings sang mga pruras.
Tinutuyo sang amo nga programa nga maka-kolekta sang mga liso kag seedlings kaangay sang cacao,cabugao, mangga, kalamansi kag madamo pa nga klase sang prutas, patubuon kag pagagamiton para sa reforestation project sang probinsya.//KMD Gicalde