CEBU – Usa ka Cebuana ang nakakuha ug gold medal sa women’s 59-kilogram division sa weightlifting event sa nagpadayon nga 32nd SEA Games sa nasud nga Cambodia.
Ang maong atleta mao si Elreen Ando, 24-anyos nga taga barangay Carreta ning dakbayan sa Sugbo.
Gihimo ang maong event gahapong adlawa, diin nahuman ni Ando ang 216 kilogram total lift nga mao usab ang bag-ong record sa SEA Games.
Nakuha usab sa Thailand ang silver medal ug ang bronze medal nakuha sa Vietnam sa maong weightlifting event.//