Nagpaalala na ang Commission on Elections ng Olongapo City sa mga kandidato at mga tagasuporta ng mga ito.
Ito ay kasunod nang pagsisimula ng campaign period ng mga lokal na kandidato mula nitong March 25.
Paalala ni City Comelec Officer Atty. Joie Macam, sundin ang mga ibinigay na Common Poster Areas at iwasan ang mga over-sized na poster.
May mga gagawin ring operation baklas ang Comelec kung saan babaklasin ang mga poster na nakakabit sa mga pampublikong lugar at wala sa common poster areas.
Kaugnay nito, naniniwala naman umano si Macam na may kooperasyon naman ang mga kandidato sa lungsod.//Jen Bayot-BNFM OLONGAPO
