Malaumon ang City Local and Environment and Natural Resources sa syudad sa Cagayan de Oro nga makapagawas na og desisyon ang Technical Working Group ug Bids and Award Committee kung kinsa ang mapili nga bag-ong contractor nga mudumala sa basura sa syudad.
Sumala ni CLENRO Head Engr. Armen Cuenca nga karong adlawa, mabal-an kung matugutan o mabasura ang motion for reconsideration sa usa ka bidder homan nga ma-disqualify kini tungod sa mga kakulangon ug wala nahaom ang ilang gi-presentar nga kagamitan sa term of preference sa TWG ug sa BAC.
Samtang padayon nga gipa-abot ang desisyon, padayon karon nga gipatuman ang contingency plan sa kagamhanang lokal diin gigamit ang mga truck sa barangay sa pagkolekta sa basura.
Gawas niini, mihangyo nasab ang CLENRO sa ubang contractor nga boluntaryong magpagamit sa ilang truck aron maggamit sa pagkuha sa mga basura.
Kahibaloan nga wala karon gihimo ang twice a week nga koleksyon sa basura homan na-expire ang contrata sa IPM, ug gikan sa 60 ka truck nga ga-operate matag adlaw, ang ga-operate karon aron mukuha sa mga basura anaa lamang sa 20 ka garbage truck.
CLENRO MALAUMON NGA MAKAPAGAWAS NA OG DESISYON KUNG KINSA ANG MAPILI NGA CONTRACTOR NGA MUDUMALA SA BASURA SA SYUDAD