Mataas ro porsyento it mga kandidato sa BSKE 2023 ro nag file it andang Statement of Contributions and Expenditures (SOCE) sa Comelec.
Raya ro ginhayag ni COMELEC PIO Crispin Raymund ‘Dodoy’Gerardo.
Ro pag file it SOCE ro ulihing aktibidad nga ginahimo it Comelec kung natapos eon ro pagpatigayun it Barangay ag Sangguniang Kabataan Elections.
Sa 699 nga mga kumandidato it Punong Barangay, 627 kara ro nag file it SOCE, kung siin, nag abot sa 89% ro gintaas.
Sa 5,869 nga kumandidato it Barangay Kagawad, 4,860 kara ro nag file it SOCE kung siin, umabot sa 82% ro gintaas.
Sa 725 nga kumandidato it SK Chairman, 548 ro nag file it SOCE kung siin, 75% ro gintaas; samtang sa 4,320 nga SK Kagawad, 3,075 ro nagsumite it andang SOCE kung siin, 71% ro gintaas.
Sa 327 nga barangay sa Aklan, 11,612 ro kabilugan nga nag file it Certificate of Candidacy (COC).
Sa nasambit nga numero, 9,110 o katumbas it 78.9% ro nag file it SOCE nga ginkalipay it Comelec-Aklan bangud isaea segun raya ka mabahoe nga partisipasyon it mga kandidato sa Barangay ag SK elections. // ANN DESLENE SALAZAR